Новите модели на iPhone пристигнаа, но не привлекоа толку големо внимание како што беше тоа случајот со минатогодишната промоција на iPhone X. Сепак, новитетите и подобрувањата се забележителни, а камерата на новите модели е една од работите кои навистина се истакнуваат.
Критичарите би сакале да кажат дека камерата на смартфоните на Apple повеќе не е на врвот на листите, бидејќи производителите од целиот свет работат на наоѓање револуционерни технологии, додека Apple е задоволен со мали подобрувања на веќе и онака добрата камера.
На критичарите би можеле да им кажеме дека тоа не е сосем точно. Да, големите компании произведуваат одлични смартфони со моќни камери, но тоа не значи дека Apple не ги опремува своите смартфони со врвна камера и одлични леќи. Магазинот The Verge реши да ги стави на тест камерите на неколку популарни модели од најдобрите производители во светот, а резултатите веројатно ќе ве изненадат.
Во споредба со iPhone X
Во споредба со iPhone X, новиот iPhone Xs има далеку подобра камера. Новиот модел на Apple има ставено фокус на деталите во фотографијата, рабовите и текстурите се многу појасни и почисти, а леќите изгледаат професионално. Најголемото подобрување на камерата се наоѓа во новата карактеристика Smart HDR, која ѝ овозможува на камерата да направи неколку фотографии, кои подоцна ги групира во една финална фотографија која е почиста и пофина.
Во споредба со Samsung Galaxy S9
Камерата на моделите на Galaxy низ годините стана заштитен знак за уред во кој може да се има доверба и ги натера останатите производители да ги следат новитетите кои Samsung ги воведуваше од година во година. Во споредба со Galaxy S9, новиот iPhone X има помалку моќна камера, но барем не ги прави фотографиите вештачки, како што е случајот кај моделот на Samsung.
Во споредба со Pixel 2
Откако се појави на пазарот во октомври 2016, Google Pixel ја има најмоќната смартфон камера во светот. Заедно со Huawei P20 Pro, камерата на Pixel 2 ви ја нуди можноста да ги направите најдобрите фотографии, без разлика на периодот од денот и светлината околу вас. Камерата на iPhone Xs сигурно не може да се натпреварува со онаа на Pixel 2, но предноста на уредот на Apple е во тоа што Google Pixel 2 се продава на ограничен број пазари и е многу тешко да се поседува. Така што, барем во случајот, квантитет > квалитет.