Нуклеарната програма на Иран е мирољубива и може да стане опасна само по вина на други земји, информираа од оваа азиска земја.
„Водечките луѓе на Иран кристално јасно кажаа дека произведувањето на нуклеарно оружје е спротивно од Шеријатскиот закон и Исламската Република Иран тоа го забранува, но може да се заобиколи тоа, може да биде создадено противволно“, изјави Министерот за разузнавање на Иран, Махмуд Алави.
Тој додаде и дека иранската нуклеарна програма е целосно мирољубива и земјата нема намера или план да произведува нуклеарно оружје при нормална ситуација. Ги повика САД веднаш да ги тргнат санкциите и да платат компензација за нанесената штета од загуби од „нелегалните“ санкции.
„Доколку Иран замине во правец на произведување нуклеарно оружје, тоа нема да биде по вина на Иран, по вина на оние кои го турнале Иран во таков правец“, рече тој.
Воедно, Министерот за надворешни работи Саид Хатибзаде на брифинг синоќа рече дека САД мора му да се вратат на договорот за нуклеарна програма од 2015 година од кој се повлекоа благодарение на Доналд Трамп.
„САД се тие кои се повлекоа од преговарачката маса и од договорот. Ние чекаме тие да се вратат и да ги исполнат своите обврски, а потоа и ние ќе го направиме истото“, вели Хатибзаде.
Според договорот, Иран се согласи да ја лимитира својата нуклеарна програма во замена за укинување на меѓународните санкции. Договорот беше потпишан од Кина, Русија, Обединетото Кралство, Франција, Германија и ЕУ.
Во меѓувреме, новиот американски претседател Џо Бајден остана на ставот дека Иран мора прв да се врати на обврските потпишани со договорот за санкциите да бидат укинати.
