Техеран, 27 февруари 2020 (МИА) -Иран го забрани влезот во земјата за кинеските државјани во екот на ширењето на новиот корона вирус Covid-19 во Исламската Република, каде до сега починаа 26 лица, соопшти денеска иранската агенција Ирна.
Американските медиуми наведуваат дека поради епидемијата на корона вирусот се откажани сите утрешни молитви во Техеран.
Во Иран, земја која го бележи најголемиот број смртни случаи од последиците на новиот корона вирус надвор од Кина, се регистрирани 245 заразени лица.
Претставникот на иранското Министерство за здравство, Кијануш Јахапур, соопшти дека во последните 24 часа се заразени нови 106 лица од корона вирусот.
Мојтаба Зонур, шеф на Комитетот за национална безбедност и надворешна политика на иранскиот Парламент е позитивен на корона вирусот и се наоѓа во изолација.
