Свет

Иран му одговори на Трамп: Сте собориле ваш дрон, наш сигурно не

19. јули 2019 - 8:48 | А.С.

Заменик-министерот за надвореши работи на Иран Абас Аракчи ја демантираше веста дека во Ормускиот Теснец било соборено иранско беспилотно летало.

Американскиот претседател Доналд Трамп вчера се пофали дека американската Морнарица уништила ирански дрон.

„Не сме изгубиле никакво беспилотно летало, ни во Ормускиот Теснец, ниту на друго место. Се плашам дека USS Boxer соборил американски дрон по грешка!“, напиша Аракчи на Twitter, алудирајќи на американскиот воен брод за кој Вашингтон тврди дека е одговорен за соборувањето.

Трамп вчера тврдеше дека дрононот летал на околу 1.000 метри од USS Boxer и дека „ги игнорирал“ повиците да се повлече.

Тој додаде дека станува збор за уште една непријателска акција на Иран, повикувајќи ги и другите земји да ги осудат, како што рече, обидите на Иран да ја наруши слободната пловидба и глобалната трговија во стратешките поморски патишта во Персискиот Залив.

Наводното соборување на дронот е само уште една епизода во судирот меѓу САД и Иран во Персискиот Залив.

Коментирај