Ирански политичари го запалија знамето на САД и пееја „смрт за Америка“ за време на седницата на парламентот. Причина за тоа е одлуката на Доналд Трамп околу повлекувањето на САД од нуклеарниот договор со Иран.
После одлуката на Трамп за повлекување и воведување на нови економски санкции на Иран, иранските политичари одржаа протести во парламентот, односно својата лутина ја демонстрираа преку палење на знамиња и палење на дел од нуклеарниот договор.
Функционерите во Техеран изјавија дека тој договор може да се спаси, а човекот кој ја водеше седницата на иранскиот Парламент истакна дека одлуката на Белата куќа е „дипломатска претстава“, која може само да придонесе за изолација на САД.
Европските сили ги вложија сите напори да го одржат овој договор во живот, а Велика Британија, Франција, Германија и ЕУ претставуваат мнозинство од седумте потписници на договорот, кој официјално е познат како Заеднички сеопфатен акциски план (JCPOA).
Покрај овие земји, потписници на овој договор се уште и Кина, САД и Иран.
Откако Трамп одлучи да излезе од договорот, премиерката на Велика Британија Тереза Меј, германската канцеларка Ангела Меркел, како и претседателот на Франција Емануел Макрон, изјавија дека оваа одлука предизвикала загриженост и жалење, но дека останатите потписници ќе останат посветени на овој договор.
„Ја изразуваме нашата константна посветеност кон Заедничкиот сеопфатен акциски план, бидејќи тој е важен за нашата заедничка безбедност. Потсетуваме дека Советот за безбедност на Обединетите нации во резолуцијата 2231 едногласно го поддржа овој договор. Оваа резолуција е меѓународна правна рамка за решавања на спорот со иранската нуклеарна програма. Ги повикуваме сите страни да бидат предадени на потполна имплементација и да дејствуваат во рамките со одговорностите“, изјавија тие во своето обраќање.
За американското воведување на санкции кон Иран, Макрон на Twitter напиша дека всушност станува збор за нуклеарно оружје.
