Иранскиот министер за надворешни работи, Абас Арагчи, го критикуваше планот на американскиот претседател Доналд Трамп за преселување на Палестинците од Појасот Газа во Египет и Јордан и како одговор предложи Израелците да се преселат на Гренланд.
„Мојот предлог е различен. Наместо Палестинците, протерајте ги Израелците и испратете ги на Гренланд, па со еден удар решавате две работи“, рече Арагчи во ексклузивно интервју за Sky News.
Американскиот претседател Доналд Трамп, кој првично предложи купување на Гренланд за време на неговиот прв мандат, ја повтори идејата откако повторно ја презеде функцијата.
Во саботата, американскиот претседател откри дека разговарал со јорданскиот крал Абдула II. за изградба на станбени единици за преселување на повеќе од милион Палестинци од Газа во соседните земји. Тој, исто така, рече дека планира да разговара на истата тема со египетскиот претседател Абдел Фатах Ел-Сиси в недела.
Предлогот беше отфрлен однапред од Палестинската управа (ПА) со седиште во Рамала, наведувајќи дека тоа ќе ги прекрши нивните „црвени линии“.
„Зборуваме за милион и пол луѓе и само би ја исчистиле целата таа област“, им рече Трамп на новинарите во текот на викендот.
Овие коментари доаѓаат по договорот за прекин на огнот и ослободување на заложниците, за кој заеднички преговараа новата администрација на Трамп и администрацијата на Џо Бајден меѓу Израел и Хамас.
