Ревијата на германскиот моден дизајнер Филип Плајн на њујоршкиот Fashion Week помина спектакуларно. Не само што луѓето беа импресионирани од колекцијата на Плајн, туку и беа во можност да ја видат Ирина Шајк како се појавува на пистата во друштво на голем робот.
Атрактивната Русинка се спушти на сцената со вселенски брод под кој на крајот од ревијата сите почнаа да танцуваат.
Најдобриот детал од целата ревија беше кога таа фати за рака еден огромен робот, кој со изгледот многу потсетуваше на Трансформер, и со него се прошета низ пистата.
Целата ревија изгледаше уникатно и оригинално, а покрај вселенскиот брод и роботот, посебно чувство даваше и вештачкиот снег кој се наоѓаше секаде по подот на модната писта.
„Ревиите се како мини-погреби. Работите со месеци за да направите онакво шоу какво што отсекогаш сте сонувале, и во моментот кога ќе ја покажете колекцијата на публиката е исто како да ја закопувате во земја бидејќи мора брзо да заборавите на неа и да почнете да работите на нешто ново“, рече Плајн за BBC.
Сепак, вселенските ревии на германскиот дизајнер ќе останат долго во меморијата на сите оние кои присуствуваат на нив. Љубителите на модата веќе од денеска се радуваат на неговите нови идеи и парчиња облека од новата колекција.
