Руската манекенка Ирина Шајк беше гостинка на филмскиот фестивал во Венеција, а за оваа прилика одбра да носи впечатливи модни изданија.
Ирина присуствуваше на премиерата на филмот „L’immensità“ на 79. издание на филмскиот фестивал. Манекенката одбра готски гламурозен изглед за на црвениот килим каде зачекори во црна, сатенска креација со отворен грб.
Второто впечатливо издание го покажа во саботата навечер, додека присуствуваше на забава на Џорџо Армани и Vanity Fair.
Триесет и шестгодишната манекенка едноставно го привлече вниманието на медиумите, носејќи полупроѕирен топ кој ги нагласи нејзините стомачни мускули комбиниран со црни панталони.
Филмскиот фестивал во Венеција започна на 31 август и ќе трае до 10 септември.
