Со доаѓањето на Кајри Ирвинг, Далас Маверикс требаше да станат сила на НБА Западот и во последната недела од регуларната НБА сезона влегуваат како 11. тим на табелата. Поразот од слабите Шарлот Хорнетс беше седми за тимот од Тексас во последните осум натпревари.
На Далас му претстојат уште три натпревари и неколку сценарија во кои може да обезбеди премин на плеј-ин турнирот, кој вклучува тимови од 7. до 10. место. Но, Маверикс не зависат само од себе. Затоа постои голема можност Ирвинг и Дончиќ повеќе да не се користат во оваа ситуација, туку да бидат одморени до крајот на сезоната, пренесува НБА новинарот Шамс Чаранија.
Тоа ќе му даде на Далас подобра позиција на драфт ова лето. Ирвинг и Дончиќ одиграа полуповредени на последните пет натпревари. Првиот постигнуваше во просек по 24 поени, а вториот 30. Договорот на Ирвинг истекува следното лето, а Далас треба да му понуди нов и да продолжи да го гради тимот околу Ол-стар дуото.
