Кошаркарот на Бруклин Нетс вели дека неговата одлука да не се вакцинира против коронавирусот го чинела договор вреден 100 милиони долари.
Кајри Ирвинг минатата сезона не можеше да игра натпревари на домашен терен дури до март поради одлуката на властите од сојузната држава Њујорк дека невакцинираните лица не можат да посетуваат било какви манифестации во затворен простор. Натпреварите на гостински тенер ги играше согласно правилата за вакцинација на останатите сојузни држави.
„Се откажав од четиригодишен договор, 100 и нешто милиони поради одлуката да не се вакцинирам. Добивате ваков договор, се вакцинирате, или ако не се вакцинирате постои ниво на неизвесност за вашата иднина, дали ќе бидете во оваа лига, дали ќе бидете во оваа екипа, така што морав да се занимавам со сериозни околности како загуба на моето работно место поради оваа одлука“, изјави Ирвинг.
Новата саезона во НБА лигата почнува на 18 октомври, а Ирвинг ќе игра за Нетс, додека на лето би можел да си замине како слободен играч.
