Најголемиот BitTorrent сајт во моментов во светот, повеќе не е во функција, откако американското министерство за правда објави дека го уапсиле сопственикот на истиот.
Станува збор за 30-годишниот Артем Ваулин од Украина, кој беше уапсен денеска во Полска на барање на САД, и се очекува да биде екстрадиран поради криминални обвиненија поврзани Kickass Тorrents - за кршење на авторски права поради пиратската содржина на сајтот, како и сомнение за перење пари. Oва предизвика исклучување на сите постоечки домени на Kickass.
Станува збор за претежно филмска содржина, за која кога Холивуските студија барале од Kickass да се отстрани од сајтот, тој одбивал да го прави тоа. Згора на ова, информации велат дека тој заработил околу 16 милиони долари од реклами на интернет страницата, само оваа година, пишува The Verge.