Наместо да ги фрлите пецивата кои ви останале од претходниот ден, можете да ги искористите за доручек кој ќе ги воодушеви вашите домашни.
Ова вкусно јадење се подготвува брзо и не бара посебни кулирарски вештини, а по желба може да го збогатите и со омилениот зеленчук или шунка исецкана на парченца која можете да ја ставите во пецивото, под јајцето.
Што ви е потребно?
пециво
- јајца
- сол и бибер
- кисела павлака
- пармезан и зачини по желба
Приготвување:
1. Загрејте ја печката на 185 степени
2. Исечете го врвот на пецивата и во нив издлабете дупки
3. Во секоја дупка ставете по едно јајце и зачинете го со малку бибер и сол
4. По желба посипете пармезан
5. Ставете го во печка 25 минути
6. Извадете го од печка, додајте лажичка кисела павлака и уживајте.
