Договорот на Масимилијано Алегри со Јувентус истекува денес. Тренерот ги напушти „Бјанконерите“ минатото лето, но неговиот договор со италијанскиот шампион траеше уште 12 месеци.
Алегри избра да се одмори во овој период и да ја добие својата годишна плата од 7 милиони евра. Сега тој лесно може да преговара за нова работа. Тренерот го предводеше Јувентус до 5 титули во Серија А, четири Купа на Италија, два Суперкупа на Италија и до две финалиња во Лигата на шампиони.
Интересот за стручњакот е голем, но тој покажа дека ќе ја чека вистинската понуда. Една од неговите опции е клубот Пари Сен Жермен. Друг клуб кој е во игра е Манчестер Јунајтед, но по неодамнешните резултати на тимот, Оле Гунар Солскјер најверојатно ќе добие доверба од управата на „Црвените ѓаволи“ барем некое време.