Гркот Еј Џеј Гинис го освои второто место на денешниот слалом возен во Шамони, Франција. Овој резултат е историски за грчкото скијање, бидејќи за прв пат еден натпреварувач од нашиот јужен сосед се најде на победничкиот подиум на трка од Светскиот скијачки куп.
Овој 28-годишен алски скијач дебитираше на Светскиот куп во декември 2014 година. Роден како Александрос Јоанис Гинис, прекарот Еј Џеј го доби откако на 15-годишна возраст се пресели со семејството во САД, каде во Вермонт ги зајакна своите скијачки способности.
Инаку, победник е Швајцарецот Рамон Ценхојзер со вкупно време 1:42,94 минута, односно 1,02 секунди побрзо од второпласираниот Јанис.
Трет беше Даниел Јул од Швајцарија.
За Ценхојзер ова е петта победа во кариерата и прва по две години.
На табелата во дисциплината слалом водечки во светскиот куп е Лукас Братен од Норвешка со 430 бодови, пред Јул со 394 и Хенрик Кристоферсен со 389. Денешниот победник, Ценхојзер, се проби на четвртата позиција со 327 бода.
