Натпреварот помеѓу Јувентус и Динамо Киев, што ќе се одигра во среда, ќе влезе во историјата на Лигата на шампиони и на фудбалот воопшто.
За првпат во историјата на елитното натпреварување, дуелот ќе го суди жена - Французинката Стефани Фрапар.
Таа ја делеше правдата и на европскиот Суперкуп минатата година, кога се сретнаа Челси и Ливерпул.
Исто така, оваа сезона, таа судеше на натпреварот од Лига Европа помеѓу Лестер и Зорја.
Значи, меѓународно искуство не ѝ недостига.
Фрапар (36) досега судеше на натпреварите во француската Лига 1.