Норвешка го освои првиот златен медал во својата историја во екипна конкуренција на светските првенства во алпско скијање, триумфирајќи попладнево на патеката во Кортина д'Ампецо, пред Шведска и Германија.
Норвежаните, во состав Теа Луиз Стјернесунд, Себастијан Фос-Солевог, Кристина Риис-Јоханесен и Фабијан Вилкенс Солхејм, на патот до полуфиналето ги елиминираа Јапонија и САД, по што во битката за финалето приредија големо изненадување, совладувајќи го бранителот на трофејот, репрезентацијата на Швајцарија. Во борбата за својот прв екипен златен медал во историјата беа подобри од Шведска.
Швајцарија остана без медал на Светското првенство во алпско скијање во Кортина д'Ампецо, откако во борбата за третото место загуби од Германија.
