Родителите кои се премногу строги со нивните деца и ги контролираат на секој чекор можеби не се свесни дека им нанесуваат голема штета.
Американските истражувачи од Универзитетот во Вирџинија открија дека децата кои живеат со строги родители имаат тешкотии во развојот, проблеми со учењето, но имаат проблеми и во односот со другите луѓе во секојдневниот живот.
Студијата покажува дека децата кои живеат со строги родители имаат проблеми и тешко се снаоѓаат и во љубовните врски.
Истражувачите го следеле однесување на 184 млади лица на возраст од 13 до 32 години. Половина од нив биле мажи, а половина биле жени.
Коавторот на истражувањето, професорот Џозеф Ален заклучил дека иако родителите сметаат дека со строгиот начин на воспитување ќе направат добри луѓе од нивните деца, овој начин на воспитување всушност може да има бројни негативни последици врз личноста на детето.