Објавени се резултатите од најголемото истражување спроведено досега на луѓе кои ја примиле вакцината на Pfizer.
Вакцината дала заштита поголема од 95%, а истовремено истражувањето покажало дека таа заштита значително опаѓа ако личноста се вакцинира само со едната доза, наместо со препорачаните две дози.
Авторите на истражувањето се од израелската Национална кампања за вакцинација и изјавија дека доказите од студијата покажуваат дека пандемијата може да биде завршена со брзи глобални програми за вакцинирање.
Според резултатите објавени во Lancet, анализата од здравствените податоци од Израел, земја со најголем процент на целосно вакцинирани возрасни луѓе, покажа дека вакцината на Pfizer/BioNTech ефикасно ги заштитила и постарите луѓе во време кога доминантна беше заразната британска варијанта.
До почетокот на април скоро 5 милиони луѓе во Израел примиле две дози на вакцината, тоа е повеќе од 70% од населението.
Студијата покажа дека две дози даваат заштита од 95,3%, односно 96,7% заштита од смрт седум ден по втората доза. По 14 дена заштитата се зголемила на 96,5 проценти, односно 98%.
Заштитата е пониска ако луѓето добиле само една доза на вакцина. Меѓу 7 и 14 дена по првата доза е утврдено дека заштитата е 57,7 %, а заштитата од смрт 77%.
Авторите велат дека едната доза може да даде заштита за пократок период, посебно во средина во која се појавуваат нови вирусни честички. Тимот научници вели дека не е проучен ефектот од јужноафриканската вакцина која исто така е идентификувана во Израел.
