Истражувачи од Универзитетот Џон Хопкинс открија дека коронавирусот може да се „сокрие“ на неочекувани места, во внатрешноста на ушите, како и зад ушите.
Тим оториноларинголози и патолози заклучи дека коронавирусот може удобно да се смести во средното уво и зад увото. Лекарите објавија резултати од аутопсија на тројца починати пациенти заразени со коронавирус. Установено е дека би можело да постојат многу други фактори кои влијаат на колонизација на средното уво со коронавирусот, а кои може да се разликуваат кај живите заразени луѓе.
„Би можело да има значајни разлики меѓу умирањето од коронавирус и умирањето со коронавирус“, велат истражувачите.
Новото откритие претставува предупредување за оториноларинголозите дека им се заканува директен ризик од зараза во текот на преглед на пациентите.
Се препорачува воведување дополнителни мерки за заштита во текот на прегледи на пациенти и при операции.
