Европа се подготвува за вториот бран, вакцината сè уште не е достапна, а луѓето се трудат да го зајакнат имунитетот и да го сочуваат менталното и физичкото здравје. Новите истражувања покажуваат дека може да се заштитиме од коронавирусот на едноставен начин.
Вадим Бекман, еден од авторите на истражувањето вели дека нивото на витаминот Д може да ја намали стапката на смртност од коронавирусот.
Во истражувањето кое е спроведено на Универзитетската болница Реина Софија во Шпанија, 50 од 76 пациенти добивале витамин Д. Истражувањето покажа дека пациентите кои не добиле витамин Д завршиле на интензивна нега.
Витаминот Д ја намалува можноста пациентот да заврши на интензивна нега за 25 отсто.
Недостатокот на витамин Д е поврзан со старосната граница, високиот крвен притисок, дијабетес, прекумерна телесна тежина, а сите овие фактори се поврзани со добивање на потежок облик на болеста.
Со консумирање на храна која е богата со витамин Д го чувате здравјето на вашето срце. Исто така, витаминот Д е потребен за здрави и силни коски бидејќи му помага на организмот да го апсорбира калциумот од храната и суплементите.
Туна
Сите знаеме дека се препорачува да јадеме риба барем еднаш неделно. Туната од конзерва содржи витамин Д; може да ја комбинирате со паста, да ја подготвите со зеленчук, а совршено се комбинира и со главните јадења.
Јајца
Некои луѓе ја јадат само белката, а со тоа пропуштаат да внесат цинк, селен и витамин Д кој се наоѓа во жолтките. Може да подготвите вкусен омлет кој ќе го комбинирате со зеленчук.
Сок од портокал
Освен што портокалот е богат со витамин Ц, една чаша портокал содржи 0,5 мг витамин Д.
Џигер
Доколку спаѓате во групата на луѓе кои сакаат џигери, ќе ве израдува оваа информација. Во 100 гр џигер има 1 мг витамин Д, но и Б12, рибофлавин, витамин А и бакар. Ако сте во потрага по високопротеинска храна богата со хранливи материи треба да му дадете шанса на џигерот.
Сардина
Уште една риба од конзерва која не е толку скапа, а е многу здрава. Сардината е богата со протеин, омега-3 масни киселини, калциум и голема количина на витамин Д.
Млеко
Можеби не сте знаеле, но една чаша млеко содржи околу 3 мг витамин Д. Доколку не пиете кравјо млеко, млекото од соја и бадеми исто така е збогатено со витамин Д.
