Сите знаеме дека враните се интелигентни животни кои можат да го разберат концептот на нулата, но ново истражување сега сугерира дека нивното разбирање на еден когнитивно сложен принцип е подобро од мајмуните и дека е споредливо со она кај децата.
Реченицата „Мачката која куче ја бркаше мјаукаше“ претставува вистински граматички кошмар. Но, повеќето возрасни брзо сфаќаат дека мачката е таа што мјаукала и дека кучето ја бркало мачката. Некогаш се сметаше дека оваа способност за поврзување на елементите во било која секвенца е само човечка особина. Најновото истражување, кое го предводеше Диана Лао од Универзитетот во Тибинген сигерира дека тоа можат да го прават и враните, и додава дека некои претходни истражувања покажале дека макаки-резус мајмуните исто така имаат слични способности.
Лао и нејзините колеги за потребата на истражувањето научиле две врани да ги идентификуваат симболите { }, [ ] и < >, така што ги наградувале со храна само кога враните колвале по строго одреден редослед { ( ) } или ( { } ). На птиците им биле потребни околу недела дена за да ги научат симболите, по што им била дадена нова задача според која морале да колваат слични низи. Враните не само што се покажале подеднакво добри како деца на претшколска возраст, туку и ги надминале мајмуните.
Според податоците добиени од една студија од пред две години, на возрасни луѓе им е потребно 10% до 40% од даденото време за да ја решат задачата со поврзување, на децата им е потребно 67% од времето, а на мајмуните 74%. Според податоците во кои учествувале враните, ним им требало 60% од времето.
„Нашите резултати сугерираат дека одредени структури на мозокот - како што е слојот кортекс кај приматите - не се неопходни за поддршка на рекурзивното разбирање“, заклучува Лао.
Резултатите од оваа интересна студија се објавени во списанието Science Advances.
