Според студија спроведена од истражувачи на Институтот за глобално здравје во Барселона, времето кога јадеме може да одреди кој е во поголем ризик од развој на канцер, пишува Times of India.
Нашиот животен стил и исхраната имаат клучна улога во намалувањето на ризикот од канцер. Истражувачите веруваат дека мора да се истражува не само што јадеме, туку и кога јадеме.
Студијата проучувала 621 случај на рак од простата и 1205 случаи на рак на дојка, односно проучуваа 872 мажи и 1321 жени кои никогаш не работеле ноќна смена. Со помош на анкета, ги прашале за времето кога јадат и спијат.
Истражувачите откриле дека оние кои регуларно јадат по 9 часот навечер и не остават барем два часа по јадењето пред да си легнат се во поголем ризик од добивање рак, процентуално тоа изнесува 25%.
Зошто се случува тоа?
Биолошкиот часовник, познат и како дневен ритам, го одредува и регулира циклусот на спиење и будност и се повторува на секои 24 часа. Ако биолошкиот часовник на вашето тело функционира правилно, од 21 часот па натаму вашето тело полека се подготвува за одмор, а не да стане поактивно, што може да се случи по јадење.
Луѓето кои рекле дека си легнуваат два или по веќе часа по вечерата биле за 20% во помал ризик од развој на рак на дојка и простата. Сепак, кога јаделе доцна, ризикот од развој на канцер се искачил на 25%.
„Нашата студија заклучи дека придружувањето на дневните обрасци на исхрана се поврзани со помал ризик од канцер. Овие податоци ја нагласуваат важноста на процената за времето во студијата за исхрана и канцер“, вели д-р Манолис Когевинас, главен автор на студијата.
Иако се потребни дополнителни истражувања за да се утврди зошто времето на јадење влијае на ризикот од развој на канцер, некои докази упатуваат на тоа дека тоа би можело да биде последица од нарушени обрасци на спиење.
