Чек дис аут

Исус бил грчкиот философ Аполониј, се тврди во нов документарец

12. февруари 2019 - 11:23 | А.С.

Исус Христос не бил Евреин, туку Грк, покажува најново истражување претставено во документарецот „Biblical Conspiracies“ на Amazon Prime.

Во документарецот се тврди дека античкиот философ Аполониј од Тијана, кој проповедал и правел чуда, е всушност „синот Божји“.

Во документарецот се тврди дека Исус го „поистоветиле“ со овој грчки философ кој живеел во истиот временски период. Описите на животот на Исус и чудата кои ги правел наведени во Новиот Завет можеби биле погрешно протолкувани и нив, како што се тврди во документарецот, ги направил Аполониј, објави Daily Mail.

„Меѓу нив има впечатливи физички сличности и има повеќе докази дека Аполониј постоел“, се наведува во документарецот „Biblical Conspiracies“.

Таму не се порекнува дека Исус постоел како историска личност, само се тврди дека личноста која се опишува во Новиот Завет е Аполониј.

Аполониј, роден во Тијана, исто како Исус Христос имал следбеници, ученици, неговите апостоли, и самиот бил ученик на Питагора и наследник на мистериите на Египет. Треба да се забележи дека во тоа време, вообичаено се користело зборот "Христос": на грчки, "Честос" и "Христос" значеле: "доброто, помазаното". Но, овој термин, исто така, е изведен фонетски од египетската хиероглифична "khery-cheta". "Оној кој доминира во мистеријата", "иницијаторот".

Аполониј одел бос, имал долга коса и брада и се откажал од „месо, вино и жени“.

„Наводно ги враќал во живот мртвите и зборувал за работи кои луѓето тогаш не можеле ни да ги замислат. За разлика од Исус, има докази кои укажуваат дека Аполониј навистина постоел“, се вели во филмот.

Реакциите на овој документарец, сосема очекувано, не беа добри. Многумина коментираат дека во филмот всушност и не е докажано дека Исус всушност бил Аполониј.

„Документарецот само се обидува да фрли сомнеж на Библијата, без никакви историски докази или интервјуа со издржани експерти, тоа е само чиста претпоставка“, коментира еден гледач.

Коментирај