Италијанското Министерство за здравство ги објави основните упатства за пациентите со COVID-19 кои се лекуваат дома.
Инструкциите се однесуваат на пациенти кои се сметаат за помалку ризични, на кои не им е потребна хоспитализација и имаат симптоми слични на грип, односно на пациенти кои не се борат за воздух, а сатурацијата на крвта со кислород име е поголема од 92 проценти.
Овие пациенти може да имаат треска и покачена температура, но под 38 степени или над 38 што не трае повеќе од 72 часа.
Според упатствата на Министерството, потребно е периодично да се мери сатурацијата, да се зема парацетамол само доколку е потребно, да се обезбеди неопходна хидратација и правилна исхрана.
Експертите советуваат да не се менува терапијата што некој ја има за хронични заболувања, во спротивно постои ризик од влошување на состојбата.
Министерството препорачува да не се земаат кортикостероиди рутински, освен кај пациенти чија состојба не се подобрува дури и по 72 часа.
Министерството исто така советува да не се земаат антибиотици или хепарин освен ако општата состојба не се влоши и температурата не падне дури и по 72 часа.
Исто така, на болните со благи симптоми им се препорачува да не земаат хидроксихлорокин бидејќи ниту една научна студија не ја потврдила неговата ефикасност во лекувањето на COVID-19.
Во упатствата на италијанското Министерство за здравство се истакнува дека досега нема цврсти и непобитни докази дека земањето разни витамини, вклучително и витамин Д, како и лактоферин и кверцетин, помага во лекувањето на COVID-19.