Уште една земја се изјасни против иницијативата на ЕУ.
Италија и нејзината автомобилска индустрија не се подготвени за тектонските промени потребни за да се овозможи забрана за продажба на автомобили со фосилни горива што ја предложи Европа за во 2035 година.
Вицепремиерот и министер за инфраструктура Матео Салвини рече дека забраната „нема никаква економска, еколошка или социјална смисла“. Салвини, познат по своите ставови против ЕУ, смета дека оваа политика на ЕУ не ѝ помага на животната средина, нарекувајќи ја „псевдоеколошки фундаментализам“.
„Тоа не ѝ помага на животната средина, но остава без работа десетици илјади работници“, рече тој.
Bloomberg наведува дека Салвини се повикал на плановите на ЕУ за воведување на стандардот Еуро7 до 2025 година, чија цел е да се намали количината на азотни оксиди кои се емитуваат за 25 отсто. Тој верува дека дополнителниот чекор кон усовршување на SUS моторот ќе го забави преминот на индустријата кон електрификација.
Истото мислење го дели и Карлос Таварес, извршен директор на Stellantis.
Италија, заедно со неколку други европски земји, создаде коалиција која предложи забраната за продажба на нови возила со фосилни горива да се одложи до 2040 година.
Во исто време, веќе во 2021 година, таа почна да лобира за изземање на малите производители на автомобили од забраната. Исто така, Салвини предлага сè да се решава на референдум.