Италијанската кошаркарска федерација тврди дека е блиску до натурализирање на бекот на Минесота Тимбервулфс, Донте ДиВинченцо.
Претседателот на федерацијата, Џани Петручи, во интервју за la Repubblica изјави дека ДиВинченцо (или ДиВинчензоу, како што велат Американците) сака да ја претставува Италија на претстојните натпреварувања.
Очигледно, по завршувањето на сезоната во НБА, тој би дошол во Италија за да ја заврши постапката за добивање пасош.
Селекторот на репрезентацијата, Џанмарко Поцеко и поранешниот репрезентативец Луиџи Датоме наскоро би можеле да отпатуваат во САД за да разговараат со НБА кошаркарот на оваа тема.
Италијанците се обидоа да го натурализираат Паоло Банкеро, но кошаркарот на Орландо Меџик го избра дресот на САД.
„Дали се плашам од сличен исход како оној со Банкеро? Не чувствувам одговорност за тоа. Тој ни даде неколку ветувања и на крајот го избра американскиот дрес. Сакаше да се натпреварува на Олимпијадата, но на крајот не ни замина во Париз“, изјави Петручи.
Италијанците неколку пати се обидоа да го убедат ДиВинченцо да го облече репрезентативниот дрес, но досега тоа не се случи. Тој има далечно италијанско потекло, па разбирливо е што не се идентификува многу со Чизмата.
Оваа сезона тој има просек од 11,7 поени, 3,7 скока и 3,8 асистенции, со 40% реализација во шутот за три поени.
Италија ќе учествува на овогодинешниот Евробаскет кој започнува на 27 август.
