Италија ги додаде Србија, Црна Гора и Косово на листата на држави кои имаат забрана за влез на нејзина територија.
„Ја потпишав наредбата Србија, Црна Гора и Косово да бидат додадени на листата на ризични земји. Забранет е влез и транзит за оние кои останале на тие територии во последните 14 дена“, изјави министерот за здравство на Италија, Роберто Сперанца.
Поради драстично зголемениот број на заразени со коронавирус во Србија, оваа држава се најде на листата.
Тој додаде дека светот се соочува со најтешката фаза од пандемијата и дека е потребна максимална претпазливост.
Италија претходно го забрани влезот за 13 држави, меѓу кои и за Северна Македонија и БиХ.
