Римскиот весник Corriere dello Sport ги стави на насловна Анчелоти и Алегри, а под нив стоеше насловот „Лондон повикува“. Според весникот, Анчелоти веќе се договорил со Арсенал за потпишување на четиригодишен договор вреден 40 милиони евра.
Арсен Венгер е на чело на Арсенал од 1996 година, и лани потпиша двегодишен договор, но се очекува на крајот на оваа сезона да направи проценка на работата и да одлучи дали ќе остане во Лондон или ќе замине на друго место.
Што се однесува до Масимилијано Алегри, тој подолго време е на радарот на Челзи, каде го сметаат како наследник на Антонио Конте. Интересно е дека доколку се случи неговиот премин во „сините“ од Лондон, тоа ќе биде вторпат во кариерата тој да го наследи Конте на тренерската функција во некој клуб, откако претходно тоа го направи во 2014 година, кога седна на клупата на Јувентус.
Заминувањето на Конте на лето е скоро извесно, бидејќи тој не е во најдобри односи со раководството. Веќе неколкупати тој се пожали дека не е задоволен од буџетот и засилувањата, а Роман Абрамович нема доверба во него.