Италијански возач во Милано, Италија киднапира автобус полн со деца кои ги возеше, а потоа истиот го запали, пренесува BBC. Во обидот за масовно убиство, во автобусот имало 51 дете, а некои од децата биле врзани.
За среќа, децата се спасени преку скршените стакла на задната страна на автобусот. Никој не е сериозно повреден, некои од децата вдишале чад и поради тоа имаат одредени здравствени тегоби.
Сторителот на овој гнасен чин е 47-годишен италијански државјанин со потекло од Сенегал. Тој е уапсен во полициската акција.
„Никој нема да преживее“, наводно изјавил возачот кога бил уапсен.
За чудо, избегнат е вистински масакр.