Ресторанот „Osteria Francescana“ е прогласен за најдобар ресторан во светот поради своето инвентивно приготвување на традиционалните италијански јадења. Меѓу 50-те најдобри ресторани беше вброен и македонскиот ресторан „Бакал“ кај тетовска Брвеница.
На листата најдобри 50 светски ресторани, победничкиот наоѓа во Модена, Италија. Второто му припадна на минатогодишниот победник, каталонскиот ресторан „El Celler De Can Roca“ во Гирона, а третото место го зазема „Eleven Madison Park“ во Њујорк.
„Амбициозните креации на готвачот совршено го урамнотежува барањето на традицијата и современата ера“, велат составувачите на листата за Масимо Ботура, шеф готвач на „Osteria Francescana“.
Повеќето од половина од 50 ресторани се наоѓаат во Европа. Шест се во САД, шест во Јужна Америка и пет во Азија.
Три ресторани отпаднаа од првите десет од минатата година. Така, лондонски „Dinner by Heston Blumenthal“ падна на 45 место, „Gaggan“ во Бангкок на 23 и D.O.M. во Сао Паоло на 11 место.
На свеченоста се доделени и поединечни признанија за шефовите. Наградата за животно дело му е врачена на француската гастро икона шеф Ален Пасар кој го води парискиот ресторан „L'Arpege“, додека наградата најдобар шеф ја доби Доминик Крен од „Atelier Crenn and Petit Crenn“ во Сан Франциско.
