Најдобриот македонски тенисер, Калин Ивановски, не успеа да стигне до второто финале на турнирите во Тунис губејќи од Италијанецот Федерико Јанаконе.
Младиот 18-годишен Ивановски првиот сет го изгуби убедливо со 6-2, а во вториот имаше шанси да се врати, но за жал не успеа. Во последниот гем при резултат од 5-4 за противникот, на свој сервис Калин имаше 40-30 и гем топка за да изедначи, но противникот го спречи и го освои гемот за победа.
Рангиран на 534. место на АТП ранг-листата, Калин загуби од речиси 100 места послабо рангираниот Италијанец, кој се наоѓа на 626. место. Јанаконе во финалеѕо ќе игра против Гркот Стефанос Сакеларидис.
Ивановски на М15 фјучрсот во Монастир, Тунис, преходно со по 2:0 ги елиминираше Ендрју Роџерс (САД), Олаф Пјечковски (Полска) и Артур Букје (Франција), сите со послаб рејтинг.
Калин минатиот викенд играше финале на уште еден турнир во Тунис, исто така во Монастир, каде со 2:1 по сетови загуби од домашниот тенисер Моез Ешарги.