Македонскиот атлетичар Дарио Ивановски на трката на 5.000 метри на Медитеранските игри во Оран, синоќа постави нов македонски рекорд. Тој патеката ја истрча со време 13:54:58 минути и го освои 8. место во конкуренција на 12 натпреварувачи.
– Честитки Дарио, нов рекорд, нов доказ за извонредната форма, квалитетен тренинг, добар тренажен процес и веруваме дека Олимпискиот стипендист на МОК ќе биде уште подобар во периодот кој доаѓа и во кој ќе избори резултат за учество на Олимпијадата во Париз 2024 година, стои во честитката од МОК.
На Игрите во Алжир, синоќа теквондистот Дејан Георгиевски освои бронзен медал и го донесе третото одличје за македонската репрезентација. Тој мораше да се задоволи со бронза бидејќи претходно го откажа настапот во полуфиналето поради стомачен вирус.
Претходно, борачите Нуров и Егоров освоија, златен, односно бронзен медал.