Градскиот совет на Истанбул, каде мнозинството има опозициската Републиканска народна партија, денеска избра вршител на должноста градоначалник, објави телевизијата NTV, откако градоначалникот Екрем Имамоглу беше затворен поради обвиненијата за корупција кои тој и неговите приврзаници ги негираат.
Минатонеделното апсење на Имамоглу, главниот политички ривал на претседателот Реџеп Тајип Ердоган, ги предизвика најголемите антивладини протести во повеќе од една деценија и доведе до масовни апсења откако стотици илјади излегоа на улиците во главно мирни демонстрации низ целата земја.
Градскиот совет од 314 членови, каде што главната опозициска партија има мнозинство, го избра Нури Аслан да управува со Истанбул со 177 гласови, според NTV.
Вршителот на должноста градоначалник ќе управува со градот до крајот на мандатот на Имамоглу додека тој чека судење.
