Пожарникарите денеска го изгаснаа најсмртоносниот пожар во поновата историја на Португалија, во кој загинаа 64 лица, а 150 се повредени.
Најголемиот пожар избувна во саботата, се прошири со неверојатна брзина и уби 64 луѓе кои се обидуваа со автомобили да ги напуштат селата, оддалечени на околу 200 километри од Лисабон.
Другиот пожар, кој е помал, сè уште гори, поради што неколку села се евакуирани, но се очекува во текот на следните денови да паднат температурите што ќе им помогне на пожарникарите во борбата против пламените јазици.
Полицијата смета дека пожарот го предизвикале громови, а дека се проширил со голема брзина поради високите температури и силниот ветар.