Покривот и три кабинети изгореа во пожарот што утринава избувна во Градежниот факултет на булеварот Партизански Одреди во Скопје.
Пожарот е целосно изгаснат и нема повредени лица. Причините за пожарот сè уште не се познати.
Во моментот кога избувна пожарот, на факултетот траела настава. Студентите, професорите и останатиот персонал биле евакуирани на време.
Причинетата материјална штета допрва ќе се утврдува.