Изјавата на Роналдо за Мбапе од пред два месеца сега е хит на денот

Брилијантното предвидување на Кристијано Роналдо за стартот на Килјан Мбапе во Реал Мадрид стана вирално како никогаш досега, со оглед на тоа дека Французинот се мачи да ја започне кариерата на „Сантјаго Бернабеу“.

Мбапе не може да блесне во Реал Мадрид, а за неколку дена промаши два многу важни пенали за Реал, против Ливерпул и Атлетик Билбао, кои мадриѓаните ги загубија во две различни и најважни натпреварувања.

„На Мбапе ќе му биде тешко во Мадрид“, изјави пред два месеца Кристијано Роналдо. Сега неговите зборови станаа вирални, а медиумите и фановите го издвојуваат одличното предвидување на Роналдо.

Во подкастот со Рио Фердинанд, Роналдо изјави дека ќе му биде тешко на Мбапе во Мадрид, иако пристигна под епитетот најдобар играч на денешницата.

„Ќе видиме дали главата му е бистра и силна, дали може да се справи со притисокот бидејќи не е исто да играш за ПСЖ и за Реал Мадрид. Можам да ви кажам дека не е исто. Сега тој доаѓа во Мадрид и можете да се запрашате, дали Реал ќе биде подобар со него, не сум сигурен, ќе видиме“, изјави Роналдо.

Неговите сомнежи брзо се покажаа како точни бидејќи одличниот Французин не брилира и е под постојан притисок за кој се чини дека сè уште нема одговор, исто како што најави Роналдо.

Затоа, повеќето светски медиуми потсетуваат на предвидувањето на Роналдо. Португалецот додаде дека Реал сè уште има фантастични играчи, но никој не знае дали може да ги повтори успесите од минатото.