iPhone 17 Pro и iPhone 17 Pro Max, во нивното 17-то издание, наводно би требало да се вратат на алуминиумските рамки, да добијат сосем различни модули за камера и заден дел полу алуминиум полу стаклен.
Се чини дека Apple подготвува нешто малку неочекувано. По претставувањето на серијата iPhone 16 оваа есен, за разлика од другите телефони, моделите Pro не претрпеа дизајнерски „третман“.
Неколку месеци подоцна, пристигнуваат информации дека тоа би можело да се случи следната година, со пристигнувањето на моделите iPhone 17 Pro и iPhone 17 Pro Max, кои навестуваат некои прилично изненадувачки промени во дизајнот.
Тие два телефона, во нивното 17-то издание, наводно ќе се вратат на алуминиумските рамки, напуштајќи го експериментот со употреба на титаниум по само две генерации.
Исто така, на задната страна на следната генерација на помоќни iPhone-и, може да има досега невидени испакнати правоаголни модули за камера, кои исто така треба да бидат направени од алуминиум наместо стакло.
Сепак, тоа не е сѐ. Задниот дел на уредот исто така треба да биде изработен од алуминиум, но само одозгора, додека долниот дел ќе биде од стакло, па модулот за алуминиумска камера ќе биде поставен на алуминиумскиот заден панел, пишува The Information.
Стаклениот дела на долната страна ќе им овозможи на идните iPhone-и и натаму да поддржуваат безжично полнење. Инаку, модулот на камерата би требало да биде поголем од претходните модели, што не е изненадување бидејќи е тренд кој трае веќе некое време.
Доколку сето ова се покаже како точно, новата генерација на модели на iPhone Pro би можела да ги донесе најзначајните промени на најпрестижните телефони на Apple во последните неколку години.
