HBO Max го објави првиот официјален тизер за документарниот филм по повод 20-годишнината од излегувањето на првиот филм на франшизата.
Не станува збор за ново продолжение на култниот серијатл, туку за документарец во кој се појавуваат сите главни ликови предводени од Даниел Редклиф, Рупер Гринт и Ема Вотсон заедно со многумина глумци кои се појавија низ сите осум филма. Нешто налик на „Friends: Reunion“.
Тие ќе се вратат назад во Хогвортс за да го прослават јубилејот од премиерата на „Harry Potter and the Sorcerer's Stone“.
„Harry Potter 20th Anniversary: Return to Hogwarts“ премиерно ќе биде прикажан на 1 јануари на HBO Max.
„Harry Potter and the Philosopher's Stone“ својата премиера ја имаше на 4 ноември 2001 година во култното лондонско кино Odeon Leicester Square, потоа на 10-ти низ цело Обединето Кралство, а на 16-ти во САД.
Следуваа филмови за сите книги и тоа „Harry Potter and the Chamber of Secrets“ (2002), „Harry Potter and the Prisoner of Azkaban“ (2004), „Harry Potter and the Goblet of Fire“ (2005), „Harry Potter and the Order of the Phoenix“ (2007), „Harry Potter and the Half-Blood Prince“ (2009) и дводелниот „Harry Potter and the Deathly Hallows“ (2010 и 2011).
Потоа отпочна спиноф серијалот „Fantastic Beasts“ со „Fantastic Beasts and Where to Find Them“ (2016), „The Crimes of Grindelwald“ (2018) и последниот „The Secrets of Dumbledore“ кој треба да излезе во април нареднава година.
