Disney ги израдува фановите на Star Wars со нови трејлери на настанот D23.
На настанот D23 Disney го објави првиот тизер трејлер за третата сезона од својата популарна серија „The Mandalorian“. Иако не го знаеме точниот датум на премиерата на новата сезона, се очекува таа на платформата Disney+ да излезе во февруари 2023 година.
Disney ја објави втората сезона во октомври 2020 година, што значи дека оние што ги гледале првите две сезони ќе мора да чекаат повеќе од две години за нови авантури.
Во првиот поглед на новата сезона немаме можност да го видиме само Педро Паскал во главната улога, но може да видиме добро познати ликови како Бо-Катан, Гриф Карга, д-р Першинг и Пели Мото.
Disney на „Star Wars“ фановите им донесе уште еден трејлер за новата серија „Andor“, која ќе дебитира на Disney+ платформата на 21 септември, како и трејлер за анимираната серија „Tales of the Jedi“, која ќе започне да се емитува на 23 октомври.
