Објавен е трејлерот за третиот дел од еротската драма „365 Days“ наречен „The Next 365 Days“, кој ја следи љубовната приказна на Лаура и Масимо.
„Врската на Лаура и Масимо виси на конец и тие се обидуваат да ги надминат проблемите со довербата, додека упорниот Начо прави сѐ за да ги раздвои“, е краток опис на заплетот на третото продолжение чиј оригиналес наслов гласи „Kolejne 365 Dni“.
Да потсетиме, вториот дел од „365 Days: This Day“ (во оригинал: „365 Dni: Ten Dzień“) започна со венчавката на Лаура и Масимо, но набрзо вниманието на Лаура го украде градинарот Начо.
По објавувањето, филмот наиде на многу лоши критики и незадоволство од публиката, а моментално има оцена 2,5 на IMDb.
Се чини дека публиката не е особено воодушевена од третиот дел од овој филм, кој е полн со сцени на експлицитен секс.
„Изгледа никогаш не планираат да престанат да го прават ова“, „Секое продолжение го прави овој филм помизерен“, „Овие филмови се како лоша сообраќајна несреќа што едноставно не можеш да престанеш да ја гледаш“, „Знам дека ќе биде глупава приказна, па само ќе премотам на возбудливите секс сцени“, „О, боже, повторно овие двајца“, се само дел од коментарите.
Филмот ќе стане достапен за гледање на Netflix од 19 август.
