Прва снимка од подморницата „Titan“ направена по нејзината фатална имплозија.
Првата снимка од подморницата „Titan“ направена по нејзината фатална експлозија во јуни 2023 година беше објавена вчера на сослушувањето за несреќата во која загинаа 5 лица. Видеото е направено од крајбрежната стража. Луѓето во подморницата загинаа кога високиот притисок на океанот предизвика таа да имплодира во близина на брегот на Њуфаундленд, Канада.
Во подморницата беа британскиот истражувач Хамиш Хардинг, британско-пакистанскиот бизнисмен Шахзада Давуд и неговиот син Сулеман, извршниот директор на OceanGate - Стоктон Раш, американската компанија која беше сопственик на „Titan“, и францускиот нуркач Пол-Анри Наржоле.
Сослушувањето откри нови детали за експлозијата на „Titan“, како и за компанијата што го поседува.
Досега необјавената снимка на длабочина од 3.776 метри ѝ даде на јавноста прв поглед на скршениот конус на опашката на „Titan“ на дното на Атлантскиот Океан. Фрагменти од подморницата се видливи и на дното на океанот.
Поморскиот истражен одбор рече дека одвоениот конус од опашката на Титан и другите остатоци даваат „убедливи докази“ дека пловилото претрпело „катастрофална имплозија“, објави CNN. Нов увид во несреќата дадоа и СМС пораките испратени од екипажот на „Titan“ до „Polar Prince“, бродот за поддршка.
Во еден момент за време на несреќното патување, „Polar Prince“ го прашал „Titan“ дали сè уште може да го види бродот за поддршка на информативниот екран. Екипажот одговорил дека „сѐ е во ред“ и продолжил да се спушта.
Одборот во понеделникот потврди дека пронајдените останки биле споредени со петте патници преку ДНК тестирање и анализа. Во понеделникот, Одборот ги повика своите први сведоци, вклучително и поранешни вработени во Oceangate, компанијата што ја развиваше и управуваше со подморницата, пишува CNN.
Комуникацијата била неизедначена, но околу еден час по нурнувањето, од „Titan“ рекле: „Овде сè е добро“. Нивната последна порака била испратена во 10:47 часот по локално време, на длабочина од 3.346 метри, во која се вели дека „паднале за 2 тежи“. Потоа, комуникацијата се прекинала.
