Изложба на концертни и промотивни постери на Влатко Стефановски на Скопје Синема Сити

Со изложбата и плакати насловена како „Патешествие“ во Музеј на град Скопје со почеток од 20 часот денес ќе започне филмскиот фестивал за музички документарни филмови Скопје Синема Сити.

Изложбата „Патешествие“ претставува приказ на кариерата на Влатко Стефановски, но прикажана преку бројни концертни плакати од најразлични периоди од неговата кариера. Со оваа изложба се прикажува еден друг аспект од кариерата на Влатко односно неговиот богат концертен опус со годините. Важно е да се напомене дека оваа изложба ќе биде поставена само ексклузивно во Скопје.

На отворањето на изложбата воведен збор ќе даде Урош Вељковиќ, кој е ликовен уметник и тапанар на бендот Steel Temple.

„Фестивалот на документарен музички филм ми изгледаше како интересна можност да споделам со јавноста дел од мојата стрпливо собирана и чувана архива на плакати, од мои концерти и изданија. Се разбира, колекцијата е далекоу поголема од она што ќе биде изложено и покажано, ама верувам дека и ова ќе предизвика интерес кај оние кои се подобро запознаени со мојата работа. Вистинско шаренило од неколку децении музичка историја, фотографии, различни стилови и правци во графичкиот дизајн, големина, квалитет на хартија и сведоштво за некои други времиња“, изјави Влатко Стефановски.

Овогодинешното издание на фестивалот Синема Сити дава акцент на документарни филмови каде главна улога односно внимание е дадено на гитарата и луѓето кои ги посветиле своите животи на овој инструмент и со тоа на некакв начин станале синоним за него. Филмот кој ќе го отвори фестивалот на 3 септември во Кинотека на Северна Македонија е филмот „Кит Ричардс: Под влијание“, портрет на Кит Ричардс кој е срцето и душата на бендот „Ролинг стоунс“. Ведаш по проекцијата свој соло настап ќе има Влатко Стефановски.

Секоја вечер од филмскиот фестивал е поделен на жанрови. Третата вечер е блуз вечер и е посветена на двајца великани на блузот, Роберт Џонсон и Ерик Клептон. Меѓу овие два филма свој настап ќе има блуз дуото „In the Mood”. Четвртата вечер е посветена на поекспериментални правци во музиката. Во соработка со Гете институтот ќе биде прикажан филмот „Романтични војници: Краутрок прв дел“. Краутрок е називот за една група култни бендови од Германија која била популарна во текот на ‘70-те: Can, Neu! Фауст, Крафверк. Вториот филм истата вечер - „Изгубената жица“ е портрет на авангардниот џез гитарист Марк Рибо и неговите бендови и проекти како дел од даунтаун сцената во Њујорк. Петтата вечер е посветена на фолк музиката овојпат од Португалија со Мадредеуш и трагичната фигура Ник Дрејк. Завршната вечер е посветена на класичните рок бендови U2 и Queen односно се посветени на некои од нивните најголеми достигнувања: албумот „Joshua Tree” на U2 и „Приказната за Боемската Рапсодија“.

Картите ќе можат да се резервираат и купат исклучиво во Кинотека на Северна Македонија, секој работен ден (понеделник - петок) во период од 9:00 до 14:00 часот на телефон: 02 23 065 968.

Проекциите на филмовите во рамки на Скопје Синема Сити ќе се организираат во Кинотека на С. Македонија почнувајќи од 3 до 7 септември.

реклама

Kia го освежи моделот Picanto

Read more

Топ 10 најпиратирани филмови на неделата

Read more
policija.jpg

Алфи нападнати при обид да уапсат осудено лице

Read more
Здравко Мамиќ уапсен во Босна

Здравко Мамиќ уапсен во Босна

Read more

Култура

Стоби очекува олабавување на мерките за да го отвори археолошкиот локалитет и да ги реализира проектите

Read more

Филмскиот фестивал во Венеција ќе се одржи во септември

Read more

Со претпазлив оптимизам, фестивалот „Здраво млади“ најавен за 27 август

Read more

Секторот за забава губи 160 милијарди долари поради пандемијата

Read more

Вести

  • play_arrow

Демонстранти запалија полицаец во Мексико

Читај повеќе

Дневен преглед на состојбата со COVID-19 во светот

Читај повеќе

Филипче: Околу 15 семејства сочинуваат 90 проценти од новозаболените

Читај повеќе

Петровска: По комплетирање на доказите ќе следуваат кривични за случајот на „Боемска“

Читај повеќе

Филипче ја објави официјалната бројка на новозаразени, вкупно се 180

Читај повеќе

Двајца доктори сопружници од „Систина“ позитивни на COVID-19

Читај повеќе

Полицијата била толерантна кон лицата кои биле затекнати на автопат за време на полициски час

Читај повеќе

Откриени 25 мигранти на автопатот Велес-Скопје

Читај повеќе

Потврдени 177 нови случаи на заболени со COVID-19

Читај повеќе