Одделението за внатрешни работи од Свети Николе поднесе кривична пријава против жител на село Ерџелија поради основано сомнение дека сторил кривично дело „мачење животни“.
Кривичната пријава е поднесена откако било откриено дека тој објавил видео на социјалните мрежи од неговото дело.
Делото „мачење животни“ е казниво по член 233 од Кривичниот законик. За настанот веднаш е известен надлежен Јавен обвинител, согласно член 280 и член 282 од Закон за кривична постапка, по чија наредба е извршен увид.
Од МВР информираат дека лицето М.Е. е приведено и со него е извршен разговор.
По целосно документирање на настанот, ќе биде поднесена соодветна пријава до надлежното Јавно обвинителство.
