Изминатата недела 134 заболени од морбили, најмногу од почетокот на епидемијата

Скопје, 17 мај 2019 (МИА) – Се задржува трендот на регистрирање на голем број на заболени од мали сипаници во државата. Во изминатата недела бројот на новорегистрирани заболени изнесува 134 лица. Во последните десетина недели овој број континуирано се одржува околу 100, но ова е највисоката бројка регистрирана воопшто откако е регистрирана епидемијата.

„Од новозаболените 48 се од Скопје, а останатите 86 се од десет други градови со што вкупниот број на зафатени градови изнесува 22“, информира д-р Гордана Кузмановска од Институтот за јавно здравје денеска пред Министерство за здравство.

Вкупниот број на регистрирани од почетокот на епидемијата, како што информира Кузмановска, е во постојан пораст и последната бројка изнесува 1.524. Најголем број регистрирани се возрасни лица над 30 годишна возраст. Речиси половина од сите регистрирани се возрасни лица.

„Што се однесува до вакциналниот статус од сите заболени на неделно ниво 70 проценти се невакцинирани, со непознат статус или непотполно вакцинирани“, вели Кузмановска.

Додаде дека очекуваат и во наредниот период бројот на заболени да се одржува и не очекуваат брзо намалување и привршување на епидемијата.

Кузмановска информира дека со тешки компликации, во смисла на бронхопнеумонија, дијареа и други потешки инфекции се околу 16 проценти од сите заболени, но бројката во однос на хоспитализираните е нешто повисока и се движи повеќе од 40 проценти.

Вкупно вакцинирани деца до 14 годишна возраст од почетокот на кампањата досега се 25.808.

реклама

Македонија

Чулев: Неопходно е изборите да бидат фер, слободни и демократски

Read more

165 нови случаи, 7 лица починаа од COVID-19

Read more

Димитров: Сè уште нема препорака за затворање на границите со Србија и Косово

Read more

Oбјавени протоколите за спортски натпревари, музеи, галерии, промотивни настани и за меѓуградски превоз

Read more

Вести

Цените на нафтата паднаа под 43 долари, расте загриженоста поради ширењето на заразата

Читај повеќе

Дневен преглед на состојбата со COVID-19 во светот

Читај повеќе

Во Солун принудно слетал авион по пожар во пилотската кабина

Читај повеќе

Чулев: Неопходно е изборите да бидат фер, слободни и демократски

Читај повеќе

Пронајдено безживотно тело во Охридското Езеро

Читај повеќе

Кочанчанец нападнал вработен во маркет откако не сакал да го напушти поради неносење маска

Читај повеќе

Скопјанец малтретиран поради долг од 4.000 евра

Читај повеќе

165 нови случаи, 7 лица починаа од COVID-19

Читај повеќе

Во Шпанија и Романија откриени печатници за лажни банкноти

Читај повеќе