Израелската разузнавачка служба Мосад ангажирала агенти на Корпусот на иранската револуционерна гарда (ИРГЦ) да подметнат експлозив во резиденцијата на убиениот лидер на Хамас, Исмаил Ханије, во Техеран, според извештајот на Telegraph.
Во извештајот се вели дека првичниот план предвидувал атентат на Ханије кога тој го посетил Техеран во мај за да присуствува на погребот на претседателот Ебрахим Раиси, но двајца ирански претставници изјавија за весникот дека операцијата била прекината поради големиот број луѓе во зградата и изгледите за неуспех.
Британскиот весник наведува дека агентите сепак отишле и поставиле експлозив во 3 соби од комплексот, а подоцна го напуштиле Иран. Тие наводно бомбите ги активирале од странство.
„Сега се сигурни дека Мосад ангажирал агенти од безбедносната единица Ансар ал-Махди“, изјави за весникот претставник на Корпусот на иранската револуционерна гарда, мислејќи на единицата задолжена за заштита на високи функционери.
Друг претставник на ИРГЦ рече дека тоа е понижување за Иран и големо нарушување на безбедноста.
„Сè уште е прашање за сите како се случило, не можам да разберам. Мора да има нешто повисоко во хиерархијата за што никој не знае“, додаде функционерот.
