Летечки суперхерој со давидова ѕвезда на градите - ова го промовираше американска про израелска група. Суперхеројот ја раскажува приказната за неговата борба со Хамас, односно ги прераскажува актуелните случувања од израелска перспектива.
Има ли подобар начин да им се објасни на американските деца дека Израел ја претставува добрата страна од тоа да се создаде суперхерој во националните бои и притоа да му се даде име според систем за вооружување? Веројатно тоа е рационално ако се праша американската организација Stand With Us која е про израелски настроена.
Iron Dome, или познат уште како kippat barzel (כִּפַּת בַּרְזֶל), во реалноста е израелски воздушен одбранбен систен развиел од самиот Израел.
Суперхеројот Iron Dome е заштитник на Израел, кого го штити од Хамас и Палестинците. Има ли подобар начин за пропаганда?
Создаден е од Јехуда Девир, меѓународно познат уметник кој првенствено создава хумористични цртежи. Идејата за создавање на суперхеројот била на моделката, актерка и пејачка, Сараи Гивати.
Гивати имала идеја дека суперхеројот Iron Dome ќе може на децата лесно да им објасни што изминатиов период се случуваше помеѓу Израел и Хамас. Додека во реалноста моќниот противвоздушен одбранбен систем на Израел ги пресретнуваше ракетите испукани од Појасот Газа, суперхеројот на децата им вели дека силните татнежи произлегле од тоа кога тој самиот ги уништувал палестинските проектили.
Но, Iron Dome на социјалните мреже не е добро прифатен и дури и стана предмет на потсмев.
