Израел започна со ослободување на 70 палестински затвореници, кои беа предадени на Египет. Се очекува оваа размена да продолжи со ослободување на дополнителни 200 Палестинци, од кои поголемиот дел ќе бидат испратени во егзил.
Овој чекор е дел од шестиот договор за прекин на огнот, кој беше потпишан минатиот викенд, со цел да се стави крај на борбите во регионот. Договорот треба да ја осигура безбедноста на цивилите и да обезбеди мир за период од шест недели, време во кое ќе се ослободат не само Палестинците од израелските затвори, туку и десетина Израелци, заложници на Хамас.
Во рамките на истата размена, Хамас утрово ослободи 4 припаднички на израелската армија, кои беа киднапирани за време на нападот на 7 октомври 2023 година во близина на границата со Појасот Газа.
Првата размена на заробеници се случи на 18 јануари, кога три Израелки беа ослободени во замена за 90 Палестинци.
Израелскиот премиер Бенјамин Нетанјаху изјави дека во текот на денешниот ден ќе се ослободи уште една палестинска цивилка, но додаде дека Израел нема да дозволи враќање на Палестинците во северниот дел на Газа додека не биде завршен целиот процес на размена.
