Израел очекува околу 10.000 посетители од странство во Тел Авив по повод Изборот за песна на Евровизија во мај, а фановите веќе ги разграбаа хотелските соби и становите за изнајмување ширум градот по екстравагантни цени.
За младите и оние кои така се чувствуваат, градската управа планира да припреми место за кампување во паркот Јаркон, покрај ЕКСП Тел Авив каде ќе се одржи Евровизија.
Градот со шатори ќе може да прими до 2.000 фанови и ќе понуди три нивоа на сместување.
Првото ниво е основната опција – гостите сами да си донесат шатори или таму да изнајмат опрема за кампување. Втората опција е малку поскапа – т.н. гламур и кампинг, а третото ниво се луксузни каравани потполно опремени со вецеа и клима уреди, објавија израелските медиуми.
Во градот ќе има и места за туширање, рекреација и журкање, штандови со храна и пијалаци и ќе има велосипеди за изнајмување. Организиран е и превоз од таму до Евровизиското село.
Евросонг 2019 ќе се одржи од 14 до 18 мај, а градот со шатори ќе остане на истото место до јуни, каде ќе послужи за гостите кои доаѓаат на најголемиот настан во годината – Геј парадата на гордоста во Тел Авив.
