Израелски експерти со компјутер контролирале оружје управувано со помош на вештачка интелигенција, пишува The New York Times.
Најдобриот ирански нуклеарен научник Мосен Факризадех е убиен со снајперска пушка со помош на вештачка интелигенција со која од далечина управувале израелски оперативци, пренесе The New York Times.
Ова го потврдува извештајот на Иранската револуционерна гарда за настаните од 27 ноември 2020 година кога тврдеа дека паметен митралез со сателитска контрола го уби научникот додека ја возеше својата сопруга источно од Техеран. Научникот беше најмалку четири пати погоден од паметна пушка, скриена во камионет на мала оддалеченост.
Неговата сопруга не беше повредена. Пушката заедно со роботскиот апарат била тешка околу еден тон, наведе весникот. Израелските оперативци го шверцувале оружјето и неговите делови во Иран пред повторно да го состават.
Целиот систем потоа бил вграден во пикап камион, а поседувал повеќе камери за да оперативците имаат целосна слика на блиската средина. Покрај тоа, камионот бил преполн со експлозив за да се минираат сите докази откако мисијата биде завршена или загрозена.
Самата пушка била поврзана преку сателитски комуникациски уред со израелскиот команден центар. Оттаму оперативец можел да ја контролира пушката и преку компјутерски екран да ја гледа својата цел.
Иако камионетот експлодирал по атентатот, не е уништен системот на паметната пушка тоа овозможило увид на револуционерната гарда да види што се случило.
„Ова не беше обичен терористичка напад, кога некој ќе испука куршум и ќе побегне. Неговото убиство е многу повеќе комплексно од тоа што го знаете и мислите. Тој беше непознат за иранската јавност, но многу добро познат на оние кои се непријатели на иранскиот развој“, изјави Хамед Факризадех, син на убиениот научник.