Членовите на Хамас им дадоа „торби со подароци“ на заложниците кои беа ослободени вчера, се гледа во видеото објавено од палестинската милитантна група, пренесоа израелските медиуми.
Во торбите што ги добиле трите жени ослободени од заробеништво имало нивни фотографии во заробеништво на Хамас и „сертификат“, пренесе The Times of Israel.
На видеото се гледаат поранешните заложници Роми Гонен, Емили Дамари и Дорон Штајнбречер како држат „торби со подароци“ додека им биле предадени на израелските војници.
Хамас претходно објави пропагандно видео на кое се гледа нивното ослободување од заробеништво во Појасот Газа.
На видеото се гледа како Хамас ги носи заложниците на собирно место на централниот плоштад во градот Газа, придружувани од десетици вооружени мажи, каде што се собраа стотици Палестинци, пеејќи и скандирајќи.
Hamas made a propaganda film about the release of the three women they kidnapped over a year ago. They gave them ‘gift bags’ with certificates inside. Like they were on a student exchange from Hell. This is one of the SICKEST things I’ve ever seen. Monsters. pic.twitter.com/iuqlmi8D0c
— Heidi Bachram 🎗️ (@HeidiBachram) January 19, 2025
Трите жени потоа беа предадени на Црвениот крст, а на видеото се гледа како претставник на Меѓународниот комитет на Црвениот крст го потпишува документот даден од оперативците на Хамас, пред да бидат предадени заложниците.
Како дел од договорот за прекин на огнот во Газа и ослободување на заложниците кои ги држеше Хамас, чија примена започна вчера, во Израел беа вратени Роми Гонен (24), Емили Дамари (28) и Дорон Штајнбрехер (31).
